Три охридски и еден струшки таеквондо клуб викендов учествуваат на „Дубровник Опен 2022“ во Хрватска

Охрид, 4. ноември 2022 (ОХРИДПРЕС) – Три таеквондо клубови од Охрид и еден од Струга викендов ќе учествуваат на Меѓународниот Таеквондо ИТФ натпревар „Дубровник Опен 2022“ во Хрватска.

Клубовите „Хва Ранг ИТФ“, „Мастер“, „Чонџи“ и „Сонкал“ ќе настапат со вкупно 18 натпреварувачи. Покрај тоа четворица искусни натпреварувачи ќе настапат и во улога на судии и ова ќе биде втор нивни настап на меѓународен натпревар да ја делат правдата.

Предводниците на клубовите се надеваат на добро претставување и постигнување големи успеси и на ова натпреварување. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука