ВИДЕО: Вработените во Основниот суд во Охрид надвор од просториите поради дојава за бомба (Фото/Видео)
Охрид, 27. февруари 2023 (ОХРИДПРЕС) – Како што OhridPress јави рано утрово, вработените и комплетниот персонал во Основиот суд во Охрид, утрово, нешто после 08:00 часот, беа евакуирани од просториите, откако била примена дојава за поставена бомба.
До овој момент нема потврдени информации за начин на кој била извршена дојавата, но вработените еден час по дојавата и понатаму се надвор од просториите, каде екипи на Охридската полиција, Брза помош и Охридската пожарна се на терен.
За жал, ова е само продолжување на анонимните дојави за поставени бомби во средни и основни училишта, но и во институции и трговски центри, претежно во Скопје и Прилеп.
Денешната дојава за поставена бомба во Охрид доаѓа по онаа од декември минатата година, кога беше пријавена закана за поставена бомба во ОЕМУЦ „Св. Наум Охридски“. (Крај)
извор: ОхридПрес фото/видео: ОхридПрес
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |