Првата дама Елизабета Ѓоргиевска правеше охридски деликатеси со Наташа Неданоска од „Пирустија Неданоски“ и Slow Food Ohrid за најранливите граѓани

Скопје/Охрид, 16. јуни 2023 (ОХРИДПРЕС) – Првата дама на Република Македонија Елизабета Ѓоргиевска правеше охридски комад со помош на охриѓанката Наташа Неданоска од „Пирустија Неданоски“ и Slow Food Ohrid.

– Преку македонската национална кујна се поврзуваме со нашите корени, зачувувајќи ги кулинарските богатства што се пренесуваат низ генерации. Комат, кошмишпите, старински бовчи и колач медено срце, беа дел од нашето охридско „мени“, кое со голем мерак го подготвувавме за најранливите сограѓани, порача Ѓоргиевска на нејзиниот профил на Facebook.

Таа испрати благодарност до секогаш инспиративната Наташа Неданоска од Slow Food Ohrid, до нејзините ученици и до Кристијан Калинов од Ретвитни oброк-Retweet a meal за прекрасната енергија при подготвувањето на охридските деликатеси кои беа донирани онаму каде што се најпотребни преку Црвен крст. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука