Се зборува на Facebook: Фаќачот на крстот Никола Јакимоски го донираше телевизорот кој го доби на подарок
Охрид, 28. јануари 2024 (ОХРИДПРЕС) – Навидум „обичната“ информација дека 29-годишниот Никола Јакимоски, во чии раце годинава заврши Светиот крст за празникот Богојавление Водици е помеѓу најкоментираните деновиве на Facebook профилот на OhridPress.
– По повод празникот Богојавление Водици, фаќачот на крстот Никола Јакимоски, телевизорот (донација од „Зегин“) го подари на нашите дечиња, објавија од Школата за дечиња „Бон-Тон“.
Светиот крст годинава заврши во рацете токму на Никола Јакимоски, кој посака здравје, среќа и бериќет во текот на целата година.
Читателите на OhridPress, како и голем дел од охридската и македонската јавност му честитаат на среќниот фаќач на крстот, но дел се со став дека крстот се скршил при фаќањето и дека првично завршил во рацете на друго лице, за што се објавени и фотографии и видео материјали. (Крај)
извор: ОхридПрес фото: ОхридПрес
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |