Независниот кандидат за претседател, вевчанецот Господин Попоски, преку видео обраќање ги повикува граѓаните да го поддржат (Видео)
Вевчани, 28. февруари 2024 (ОХРИДПРЕС) – Единствениот кандидат за претседател на Република Македонија од регионов, вевчанецот Господин Попоски, преку видео обраќање ги повика граѓаните да се потпишат во знак на поддршка на неговата кандидатура.
– Испраќам апел до народот да излезе масовно да се потпише и да одиме во дуел со Бујар Османи. Како што ги собра тој, треба и македонскиот граѓанин да го поддржи независниот кандидат Господин Попоси, кој потоа ќе може да излезе на дуел и да ја каже својата програмата. Граѓаните масовно до 8 март да излезат и да го дадат потписот, порача Господин Попоски.
Posted by Gospodin Poposki on Tuesday, February 27, 2024
Заклучно со синоќа до 20:00 часот, тој собра 19 потписи, откако неодамна ја започна постапката. Во изјава за Супер радио и OhridPress изнесе дел и од неговите ставови и зошто се одлучил за ваков чекор.
– Се залагам за името, за студентите, за земјоделците и за пензионерите, изјави кратко 48-годишниот вевчанец кој работи како градежен работник и земјоделец.
Тој ги повикува сите да го дадат својот потпис за него во подрачното одделение на ДИК во Струга. (Крај)
извор: ОхридПрес фото/видео: Господин Попоски
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
