СДСМ: ВМРО-ДПМНЕ сее страв и ги заплашува вработените во охридските јавни претпријатија и институции

Охрид, 22. април 2024 (ОХРИДПРЕС) – Изборниот процес во земјава, како и секогаш ја исфрла на површина реалната слика на ВМРО-ДПМНЕ. И овие избори, без исклучок, ВМРО-ДПМНЕ се занимава со политички закани и притисоци, сее страв и заплашување кај вработените во охридските јавни претпријатија и институции под локална самоуправа, реагираат од ОО на СДСМ од Охрид.

– Апсолутно ништо не е променето во ДПМНЕ. Тоа е истата таа матрица која се’ уште се обидува да контролира гласачка маса преку претење. Деновиве сме сведоци на многубројни вработени кои се подложни на јавувања од страна на ДПМНЕ со закани за отпуштања и казни и разни други злоупотреби на политичката пропаганда. Ги охрабруваме сите луѓе да не подлегнуваат на ваквите примитивни однесувања својствени за ДПМНЕ. Слободно и без страв да си го искажуваат својот став бидејќи ова е демократско општество за кое заедно се боревме да го донесеме после режимското ДПМНЕ. Апелираме до ДПМНЕ, наместо предизборни шиканирања, заплашувања и репресивни диктаторски мерки, беспоговорно и неселективно да изврши коректно усогласување на минималната плата во сите јавни претпријатија. Законите важат подеднакво за сите. ДПМНЕ да престане со дискредитирање на работниците и нивниот труд. Исто така веднаш да подели плата на вработените по јавните претпријатија, бидејќи тие луѓе чесно работаат и имаат фамилии кои ги прехрануваат. Другари и другарки, нема да дозволиме режимот да се врати. Никогаш повеќе режим. Излезете и без страв слободно гласајте за демократија, за слободен пристап до европски стандард. Европа дома да си ја донесеме, европски дома да живееме, стои во реакцијата. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука