Над 150 европски студенти дел од настанот „OHrid JAM“
Охрид, 30. септември 2016 (ОХРИДПРЕС) – Бордот на Европски Студенти по Технологија (БЕСТ Скопје), организира културна размена, наречена „OHrid JAM“, од денес до 3 октомври во Охрид.
Европските студенти ќе се запознаат со македонската култура и традиција.
Учесници ќе бидат околу 150 студенти од техничките факултети, од над 30 земји од Европа. Тие ќе имаат можност да ги осознаат македонските културни богатства и традиции, преку најразлични активности, како шетање и истражување на градот Охрид, интернационална вечер, крстарење по Охридското Езеро, но пред се, со дружба и разменување на искуства со македонските студенти, членови на организацијата БЕСТ.
Семинарот ќе се одвива во хотелот „Бетон“. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |