Нивото на Охридското Езеро се доближува до природната кота, денес е на 693,19 м.н.в

Охрид, 1. ноември 2022 (ОХРИДПРЕС) – Водостојот на Охридското Езеро се доближува до природната кота.

Според денешните мерења на Управата за хидрометеоролошки работи на Република Македонија (УХМР), водата е на кота од 693,19 м.н.в, што е за 7 сантиметри под просекот за ноември (693,26 м.н.в), 2 над природната кота (693,17 м.н.в), односно само 9 сантиметри над дозволениот минимум (693,10 м.н.в). Температурата на езерската вода е 16 степени, пониска за нецел степен од месечниот просек.

Трендот на пад на езерското ниво продолжи во текот на минатиот месец, а во приобалниот дел сé поголеми се сувите делови.

Во Охрид денес сончево и релативно топло време со слаб ветер од променлив правец. Максималната температура ќе се искачи до 21. степени.

– До четврток ќе се задржи претежно сончево и релативно топло време. По одделни котлини ќе има услови за појава на слаба утринска магла. Во петок облачноста ќе се зголеми, а за време на викендот ќе преовладува претежно облачно, врнежливо и значително посвежо време, информираат од УХМР. (Крај)

извор: ОхридПрес фото: ОхридПрес/УХМР

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука