АМСМ: Сообраќајот кај Љубаништа се одвива со наизменично пропуштање на возилата
Охрид, 4. јуни 2023 (ОХРИДПРЕС) – Екипите на ЈП „Охридски комуналец“ и ЈП „Македонија пат“ го расчистија патниот правец Охрид-Св. Наум кој беше непрооден по денешното невреме што го зафати регионот, особено делот над селото Љубаништа.
– На 3-ти јуни 2023 година, од 22:00 часот на регионалниот пат Охрид-Свети Наум, кај селото Љубаништа, сообраќајот се одвива со наизменично пропуштање на возилата, информираат од АМСМ.
Поради невремето кое го зафати југоисточниот дел на општина Охрид во реонот на селата Трпејца и Љубаништа проследено со големи врнежи дојде до излевање на вода, земја, чакал и поситни камења на регионалниот патен правец Охрид-Св. Наум во селото Љубаништа.
Од 19:15 часот вечерва, регионалниот пат Охрид-Св. Наум, кај селото Љубаништа беше затворен за сообраќај.
Претходно, регионот беше погоден од силно невреме, проследено со силен ветер и врнежи од дожд и град. Жителите велат дека не паметат вакво невреме и додаваат дека била причинета огромна материјална штета. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |